Tennis

Ef keppnistími samkvæmt dagskrá er takmarkaður eða aukinn í fjölda af lotum/settum verða öll veðmál ógild (e. void) nema fyrir þá markaði sem hafa þegar ráðist skilyrðislaust. Athugaðu að þetta gildir ekki um markaði á leikstuðla (e. Match Odds) eða sigurvegara setts (e. Set Winner) á viðureignir í Davis Cup eða „dead rubber“ viðureignir sem hafa verið styttar úr fimm í þrjú sett eftir að markaðurinn hefur verið hlaðinn, að því gefnu að viðureignin hafi verið stytt í samræmi við reglur keppninnar.

Veðmál munu standa óháð breytingum á auglýstum keppnisstað, þar á meðal tegundarbreytingum á yfirborði keppnisvallar.

Veðmál sem tengjast fjölda tiltekinna atvika í móti verða ógild ef mótið er stytt, því frestað eða aflýst, nema fyrir þá markaði sem hafa þegar ráðist skilyrðislaust.

Ef spilari eða par dregur sig úr keppni eða er dæmt úr leik í einhverri viðureign telst spilarinn eða parið sem kemst áfram í næstu umferð (eða vinnur mótið ef um úrslitaviðureign er að ræða) vera sigurvegari. Öll veðmál sem tengjast stökum leikjum eða settum í viðureign teljast ógild, nema fyrir þá markaði sem hafa þegar ráðist skilyrðislaust. Ef minna en einu setti er lokið á þeim tíma sem spilari/par dregur sig í hlé eða er dæmdur úr keppni teljast öll veðmál sem tengjast þeirri stöku viðureign ógild.

Almennar reglur skiptimarkaðarins og markaðsupplýsingarnar (e. Market Information) gilda þegar kemur að öllum flokkum veðmála eða markaða sem ekki er vísað til í sértæku íþróttareglunum. Ef eitthvað misræmi er á milli sértæku íþróttareglnanna og almennra reglna skiptimarkaðarins skulu sértæku íþróttareglurnar vera í forgangi. Ef eitthvað misræmi er á milli markaðsupplýsinganna og annað hvort almennra reglna skiptimarkaðarins eða sértæku íþróttareglnanna, skulu markaðsupplýsingarnar vera í forgangi.

Kíktu hér til að skoða almennu reglur skiptimarkaðarins.