Fótbolti

Veðmál verða gerð upp miðað við 90 mínútna leiktíma samkvæmt dómurum leiksins, þar á meðal uppbótartíma. Nema annað sé tekið fram þá teljast framlenging og vítakeppnir ekki með.

Ef eitthvað virðist óvíst um opinber úrslit frá tilheyrandi íþróttayfirvaldi mun niðurstaðan verða ákvörðuð með upplýsingum frá óháðum aðilum.

Ef opinber leikjaskrá skráir liðsupplýsingar sem eru ólíkar þeim sem eru skráðar á heimasíðunni okkar (t.d. skiptingar/varamenn, aldursflokk, kyn o.s.frv.) verða öll veðmál ógild (e. void) sem hafa verið jöfnuð (e. matched) á mörkuðum sem það á við um. Í öllum öðrum tilvikum standa veðmál (þar á meðal í tilvikum þar sem liðsnafn er skráð án þess að það sé tekið fram „XI“ í nafninu).

Fyrir markaði sem tengjast tiltekinni tölfræði, þar á meðal en ekki takmarkað við fjölda áminninga/spjalda, fjölda horna, einhver markaskorari eða tímasetningu fyrir tiltekið mark, þá verða veðmál gerð upp með upplýsingum frá óháðum aðilum.

Ef það gerist nýjar upplýsingar koma í ljós í opinberum gögnum innan 48 stunda frá uppgjöri munum við (með skynsemi að leiðarljósi) annað hvort:

• setja þau aftur í gildi eða gera enduruppgjör í ljósi þessara nýju upplýsinga; eða
• bíða eftir frekari upplýsingum áður en við ákvörðum hvort markaðurinn verði settur aftur upp eða enduruppgjör skuli gert á markaðnum.

Veðmál á markaði sem tengjast því að einhver fjöldi atvika gerist, eins og „fjöldi horna“, verða gerð upp miðað við fjöldann sem er tekinn frekar en veittan fjölda.

Fyrir viðureignir sem eru samkvæmt dagskrá auglýstar með annan mínútufjölda en í hefðbundnar 90 mínútur, verða veðmál gerð upp miðað við hefðbundinn leiktíma, þar á meðal uppbótartíma. Ef viðureign er spiluð með óhefðbundnu fyrirkomulagi (til dæmis með þremur eða fjórum leikhlutum) eru allir hálfleiksmarkaðir ógildir.

Fyrir veðmál þar sem vítaspyrnur koma við sögu og að skorað sé úr þeim og/eða brennt af gildir að ef það þarf að endurtaka upphaflegu vítaspyrnuna þá gerum við upp markaðinn miðað við niðurstöðu endurteknu vítaspyrnunnar. Þetta gæti innihaldið nokkrar endurtekningar þar til tekist hefur að ljúka leikatvikinu.

Ef leik er frestað verða öll veðmál sem ekki hafa ráðist úrskurðuð ógild að því gefnu að viðureign hefjist ekki fyrir kl. 23:59 að staðartíma (eða ef við teljum að viðureignin muni ekki hefjast fyrir þann tíma) á upphafsdegi skv. dagskrá.

Ef leikur er færður áður en kemur að upphafstíma skv. dagskrá (til dæmis vegna útsendingartíma í sjónvarpi), verður það ekki metið svo að honum hafi verið frestað og öll veðmál standa, að því gefnu að nýr leiktími skv. dagskrá sé innan 72 klukkustunda frá upprunalegum upphafstíma og degi.

Ef viðureign byrjar en er síðar hætt, verða öll veðmál sem ekki hafa ráðist úrskurðuð ógild að því gefnu að viðureignin sé ekki spiluð til loka fyrir kl. 23:59 að staðartíma á upphafsdegi skv. dagskrá.

Nema annað sé tekið fram þá teljast allir leikmenn sem koma inn á völlinn á einhverjum tíma leiksins hafa verið með þegar kemur að uppgjörum veðmála. Aðeins leikmenn sem ekki eru í leikmannahópi eða eru ónotaðir varamenn geta talist ekki hafa tekið þátt í leiknum.

Ef keppnisstaður viðureignar er annar en sá sem kemur fram á heimsíðu okkar munu veðmál standa að því gefnu að viðureignin hafi ekki verið færð á heimavöll mótherjans, en í þeim tilvikum þá verða veðmál ógild. Í stórum alþjóðlegum mótum (til dæmis HM og Evrópumeistaramótinu) gildir hins vegar að allir leikvangar teljast hlutlausir. Ef skipt er um leikvang sem er á dagskránni fyrir viðureign og nýr leikvangur er valinn, meðal annars í öðru landi, standa öll veðmál áfram.

Ef við stöðvum ekki markað í tæka tíð áður en efnislegur atburður (e. Material Event) gerist (mark skorað, víti veitt sem mark er svo skorað úr eða leikmaður rekinn af velli), áskiljum við okkur réttinn til þess að ógilda veðmál eftir að efnislegi atburðurinn hefur gerst. Ógilding þessara veðmála gæti gerst á meðan viðburðinum stendur eða eftirá eftir að viðueigninni er lokið.

Ef hætt er við efnislegan atburð vegna ákvörðunar sem tekin er með aðstoð VAR, ógildum við veðmál eftir því sem efnislegi atburðurinn kallar á og niðurfellingin:

• Þegar mark er fellt niður vegna VAR verða veðmál sem eru jöfnuð (e. matched) frá þeim tíma sem markið var skorað og til þess tíma sem VAR lýkur endurskoðuninni á atvikinu ógild.
• Þegar rautt spjald er fellt niður vegna VAR verða veðmál sem eru jöfnuð (e. matched) eftir að VAR byrjar endurskoðunina á atvikinu ógild.

Ógilding slíkra veðmála gæti gerst á meðan viðburðinum stendur eða eftirá eftir að viðueigninni er lokið.

Ef endurskoðun VAR kallar á að rautt spjald sé veitt eða vítaspyrna, telst slíkur efnislegur atburður hafa gerst á þeim tíma sem VAR hefur endurskoðun á slíkum (sem að endingu er veittur) efnislegum atburði. Við þær kringumstæður verða veðmál sem voru jöfnuð áður en VAR hóf endurskoðunina ekki gerð ógild.

Ef lið fellur úr deild vegna þess að þegar keppnistímabili lýkur hafi það verið í fallsæti sem á við um þá deild, verða veðmál sem veðja á að það lið falli dæmd sem vinningsveðmál.

Ef lið er dæmt úr keppni, eða því vísað úr deildinni áður en tilheyrandi keppnistímabil hefst, verða öll veðmál á markaði sem það hefur áhrif á dæmd ógild (og nýjum mörkuðum bætt við í kjölfarið).

Ef lið er dæmt úr keppni, eða vísað úr deildinni eftir að tilheyrandi keppnistímabil er hafið (eða ákvörðunin er tekin af tilheyrandi íþróttayfirvaldi á meðan keppnistímabilið stendur yfir að liði skuli vísað úr deildinni að loknu tímabilinu), verða öll veðmál á það lið ógild.

Til að taka af allan vafa, ef stigafrádrætti er beitt til refsingar svo það verður þess valdandi að liðið endar tímabilið í fallsæti sem gildir fyrir þá deild verða veðmál á að það lið falli gerð upp sem vinningsveðmál.

Tilheyrandi keppnistímabil telst hafa hafist um leið og fyrsti leikur deildarinnar hefur verið spilaður. Er kemur að þessari reglu gildir að markaðir á einstaka leiki/viðureignir verða ekki teljast til „markaða sem þetta snertir“ (e. „affected markets“).

Fyrri hálfleikur telst standa yfir í 45 mínútur, óháð uppbótartíma. Einnig gildir, fyrir þessa markaði, að „mínútur 0 - 10“ valmöguleiki leiksins nær yfir fyrstu 10 mínútur leiksins, frá 0:00 alveg þar til klukkan lendir á 10:00; þessi sama grunnregla gildir um alla aðra sambærilega markaðsvalmöguleika.

Eingöngu mörkin sem eru skoruð í tilheyrandi deild, móti eða keppni teljast með. Til dæmis, ef leikmaður skiptir í lið á miðju keppnistímabili teljast mörk sem skoruð voru í annarri deild ekki með. Hins vegar teljast mörk sem voru skoruð fyrir annað lið í sömu deild með. Sjálfsmörk teljast ekki með.

Almennar reglur skiptimarkaðarins og markaðsupplýsingarnar (e. Market Information) gilda þegar kemur að öllum flokkum veðmála eða markaða sem ekki er vísað til í sértæku íþróttareglunum. Ef eitthvað misræmi er á milli sértæku íþróttareglnanna og almennra reglna skiptimarkaðarins skulu sértæku íþróttareglurnar vera í forgangi. Ef eitthvað misræmi er á milli markaðsupplýsinganna og annað hvort almennra reglna skiptimarkaðarins eða sértæku íþróttareglnanna, skulu markaðsupplýsingarnar vera í forgangi.

Kíktu hér til að skoða almennu reglur skiptimarkaðarins.